Suara Komunitas
Saatnya warga bersuara, tidak hanya disuarakan

Ini Jenis Jamur Di Desangku Pengalaman

Sine Jenis Kulat Leq Desangku

Sine aran kulat (logat basa sasak selaparang). Mun logat pejanggik biasa ta sebut tengkong.

Nah.. sekewal ta pada bagi info sekedik. Jari mun basa sasak selaparang sine ta aranin kulat.

Kulat biasa tioq kenyaka musim ujan. Lueq bejerototan lek punduk bangket, tengak rau, atau lek dalem kebon. Toaq teranaq meta taoq na tioq kulat sine.

Marak engkat siq awal, bahwa kulat lueq jenisna. Si pertama kulat tengkong, kulat sine biasa paling lueq jenisna siq ta peta pendok. Sementara mun ciri-cirina bewarna kuning puteq. Biasana tioq leq punduk bangket, atau leq tengak rau.

Siq kedua, siq cukup terkenal ta aranin kulat tetajem. Kulat tetajem ta aranin karna bentukna tajem. Warna na bedeng kecoklatan, biasa tioq lek tengak dalem kebon.

Siq ketelu, kulat kuledek. Kulat sine pada bentukna waran kanca kulat tengkong. Laguq bedana ia becikan lekan kulat tengkong. Dait jarang ia ta peta karena becat na seda atau karna ukuran becikna.

Siq keempat kulat kekedit. Kulat kekdit sine, paling becet ukuran bentukna. Laguk biasana ia tioq kanca lueq. Dalem saiq penaok, kulat sine pekompok sampai seketan lolo.

Sekedar sine penaoq kami tentang kulat. Mun araq bahasa siq berbeda ataupun arak jenis kulat siq lain silaq da koment. Tambahang informasi.

Matur tampiasih.

Foto Speaker Kampung.

Komentar (0)

Belum ada komentar pada tulisan ini. Silakan jadi komentator pertama dengan mengisikan formulir disamping
Page generated in 0.09165 seconds.